Banka Qendrore e Kinës është zotuar për një politikë të kujdesshme monetare, por me një fleksibilitet të shtuar përballë problemeve komplekse të tregut financiar. Në një deklaratë të Bankës thuhet se "ky institucion do të vazhdojë zbatimin e një politike financiare të moderuar".

Deklarata shton se Banka Qendrore do të përdorë politika të shumta për ruajtjen e likuiditetit në tregun financiar dhe për realizimin e një rritjeje të arsyeshme të kreditit.

Ndërkohë Banka Qendrore ka premtuar shtim të përpjekjeve për rritjen dhe shpërndarjen e financimit të drejtpërdrejtë, uljen e kostove financiare, thellimin e reformave monetare dhe forcimin e menaxhimit të riskut. (Eda Merepeza)