Përfundoi të premten në Vjenë takimi i ministrave të mbrojtjes së 10 vendeve të Europës Qendrore dhe Lindore në të cilin u kërkua një mbrojtje më efektive e kufijve të Europës, mbyllje afatgjatë të të gjitha rrugëve hyrëse të refugjatëve në Europë si dhe riatdhesimin e refugjatëve që nuk integrohen.

Gjatë mbledhjes u kërkua gjithashtu që BE-ja të formojë një trupë të përbashkët me përgjegjësi civile, policore dhe ushtarake, të ndihmojë Drejtorinë Administrative të Çështjeve të Kufijve të Evropës në zbatimin e detyrave të pritjes apo të riatdhesimit të refugjatëve. Në mbjedhje u theksua se mbrojtja e kufijve, sistemimi i fluksit të refugjatëve përbëjnë detyra që tejkalojnë aftësinë e Drejtorisë Administrative. Në takimin e Vjenës nuk morën pjesë Greqia dhe Gjermania, ndonëse ishin ftuar. (Vera/ Eda Merepeza)