Sekretari i Përgjithshëm i OKB-së Ban Ki Mun shprehu të enjten vlerësimin për një deklaratë presidenciale të përbashkët Kinë-SHBA, sipas së cilës të dy vendet më të mëdha lëshuese të gazit në botë do të nënshkruajnë më 22 prill Marrëveshjen e Parisit për klimën.
Marrëveshja historike e Parisit u miratua në dhjetorin e vjetshëm, gjatë sesionit të 21-të të Konferencës së Palëve (COP21) në Francë.
Në një deklaratë të publikuar nga zëdhënësi i Ban Ki Mun-it thuhet po ashtu se kreu i OKB-së e përshëndet njoftimin se të dy vendet do të ndërmarrin hapat përkatëse për t'u bërë pjesë e marrëveshjes në një datë sa më të hershme këtë vit.
Ban u bëri thirrje vendeve të tjera të ndjekin shembullin e Kinës dhe të ShBA-së, në mënyrë që marrëveshja të hyjë në fuqi sa më shpejt që të jetë e mundur.