Prokurorët belgë thanë se Salah Abdeslam, një nga të dyshuarit si ideatori i sulmeve terroriste të nëntorit në Paris, do të ekstradohet për në Francë.
Abdeslam përballet gjithashtu me akuza në Belgjikë, në lidhje me sulmet e fundit në Bruksel.
Urdhri i parë i arrestit për të u lëshua nga Franca vitin e kaluar, duke i dhënë përparësi autoriteteve franceze në ndjekjen e tij penale.
Avokati i Abdeslam, Cedric Moisse, tha se nuk ka asgjë që frenon transferimin e të akuzuarit.
Prokurorët në Francë dhe Belgjikë po diskutojnë lidhur me procedurat për transferimin e Abdeslam.
Sulmet e 13 nëntorit në Paris shkaktuan 130 viktima.
Abdeslam dyshohet gjithashtu se është organizatori i sulmeve të Brukselit muajin e kaluar, ku humbën jetën 35 vetë. (Albana)