Kryetari i provincës afrikanojugore Gauteng, David Makhura, së bashku me autoritetet kanë marrë masat për të mbrojtur bizneset e huaja pas trazirave që ndodhën në Johannesburg.

Sipas Radios Kombëtare të Afrikës së Jugut, prishja e dyqaneve nisi rreth orës 6 të mbrëmjes së të martës. Agresorët evituan konfliktin me forcat e sigurisë. Dëshmitarët okularë thanë se përgjejgësit u larguan menjëherë përpara se forcat e sigurisë të vinin në vendngjarje.

Autoritetet e provincës thanë të mërkurën se kanë ngritur një grup për të trajtuar incidentet raciste dhe ksenofobe.

Edhe në fillim të muajit pati ngjarje të ngjashme ku një tregtar pakistanez vrau një person dhe plagosi 4 të tjerë, duke nxitur konflikt mes vendasve dhe të huajve dhe shkatërrimin e dyqaneve të të huajve. Pas ngjarjes forcat policore arrestuan 4 të dyshuar për vrasje.