Japonia duhet të jetë më transparente në lidhje me buxhetin e saj ushtarak, u shpreh të enjten zëdhënësi i Ministrisë së Mbrojtjes të Kinës Yang Yujun.

Në një konferencë mujore për shtyp, Yang Yujun-i vuri në dukje që Japonia i ka rritur shpenzimet e mbrojtjes për vite me radhë, duke shkaktuar shqetësim te vendet fqinje të saj dhe bashkësia ndërkombëtare. Yang shtoi se Japonia duhet të shpjegojë synimet e saj të vërteta.

Japonia ka miratuar një buxhet ushtarak rekord për vitin fiskal 2016, prej 5.05 trilionë jenësh (rreth 41,90 miliardë dollarë amerikanë), me një rritje prej 1.5 për qind në krahasim me 2015.

Ky është viti i katërt me radhë që Japonia ka rritur buxhetin e mbrojtjes.