Të mërkurën u formua në Mianmar qeveria e re, ku Aung San Suu Kyi është emëruar si ministre e Jashtme. Zëdhënësi i Ministrisë së Jashtme kineze Hong Lei tha të enjten në një konferencë për shtyp se Kina shpreh urime për qeverinë e re të Mianmarit.
"Jemi të bindur që populli i Mianmarit me siguri mund të ketë arritje më të mëdha në ndërtimin dhe zhvillimin e vendit. Dje, ministri Wang Yi i telefonoi ministres Aung San Suu Kyi, duke i shprehur urime. Wang vuri në dukje se miqësia mes Kinës dhe Mianmarit do të konsolidohet me kalimin e kohës dhe bashkëpunimi dypalësh, i mbështetur në miqësinë tradicionale, do t'u sjellë të dy popujve përfitime konkrete. Kina është e gatshme që të bashkëpunojë ngushtë me Mianmarin, për të bërë përpjekje të pandërprera për zhvillimin e partneritetit të gjithanshëm strategjik mes dy vendeve," theksoi Hong Lei. (Jiang Lei)