I dyshuari kryesor për një komplot të dështuar terrorist në Francë është ngarkuar zyrtarisht me akuzën për pjesëmarrje në një organizate terroriste.
Prokurori i Parisit Francois Molins, thotë se 34-vjeçari Reda Kricket doli para gjykatës një javë pas arrestimit gjatë një kontrolli në shtëpinë e tij në Paris.
"Në këtë fazë të hetimit, pavarësisht se nuk ka ndonjë objektiv të caktuar, është identifikuar çdo gjë që dyshohet se fshihej në banesën e të ndaluarit dhe parandaloi një akt dhune ekstrem nga një rrjet terrorist gati për të vepruar, siç tregohet nga armët, municionet, disa prej të cilave gati për t'u përdorur, telefonat e rinj që mund të përdoreshin për të organizuar ekzekutimin e një plani kriminal dhe pasaportat e vjedhura duke u lejuar fshehjen e identitetit dhe lëvizjen lirisht në Francë dhe në Europë. "
Hetuesit francezë kanë qenë në ndjekje të Kriket që nga sulmet e Parisit në nëntor të vitit të kaluar, nga të cilat mbetën të vrarë mbi 130 njerëz.
Arrestimi i tij ndodhi dy ditë pas sulmeve vetëvrasëse që goditën aeroportin e Brukselit dhe një stacionin e metroje, me një bilanc tragjik prej 35 viktimash.
Kriket, i cili u dënua në mungesë me 10 vjet burg vitin e kaluar në Belgjikë për rekrutimin e luftëtarëve islamikë për të luftuar në Siri, mohon se ai është një terrorist. (Leftion Peristeri)