Vendimi i agjencisë "Moody's" për ta ulur parashikimin për bonot sovrane të Kinës nuk niset nga një perspektivë e gjerë dhe ka ndikim të vogël në tregjet financiare, tha të mërkurën Ministria e Financave e Kinës.

"Moody's" e ndryshoi vlerësimin për kreditin e Kinës nga i qëndrueshëm në negativ në fillim të këtij muaji, duke përmendur dobësimin e parametrave fiskale, rënien e vazhdueshme në rezervave valutore dhe pasigurinë mbi aftësinë për të zbatuar reformat ekonomike.

Firmat e vlerësimit duhet të mësojnë më shumë rreth kushteve ekonomike dhe financiare të Kinës, për të shmangur asimetrinë e informacionit, thuhet në një deklaratë të publikuar nga Ministria e Financave.

Tregjet e brendshme të aksioneve dhe të bonove dhe kursi i këmbimit të juanit brenda e jashtë vendit mbeten të qëndrueshme pavarësisht uljes së vlerësimit, duke treguar besimin e investitorëve dhe pritshmërinë optimiste për ekonominë kineze, thuhet në deklaratë.