Zhvillimi ekonomik dhe politikat monetare të Shqipërisë kanë qenë të qëndrueshme gjatë vitit 2015, citon gazeta "Albanian Daily News" të ketë thënë të mërkurën guvernatori i Bankës së Shqipërisë Gent Sejko.

Vjet është ruajtur stabiliteti i çmimeve, ndërkohë që rritja ekonomike pritet të ketë qenë 2.7 për qind, tha Sejko.

Ai tha se banka qendrore do të marrë parasysh shkurtimin e normave bazë të interesit për të stimuluar ekonominë.

Sejko u shpreh se Banka e Shqipërisë ka forcuar strukturën mbikëqyrëse në vitin 2015, dhe treguesit e kredive të këqija dhe të rentabilitetit të sistemit bankar janë përmirësuar.

"Sistemi bankar është likuid, i qëndrueshëm dhe u rezistoi efekteve të krizës greke," tha ai.