Sukseset e ndryshme të arritura gjatë zhvillimit paqësor të marrëdhënieve ndërmjet dy brigjeve të ngushticës së Tajvanit do të ndikohen nëse minohet baza politike e Konsensusit të vitit 1992, u shpreh të mërkurën në një konferencë shtypi zëdhënësi i Zyrës së Çështjeve të Tajvanit pranë Këshillit të Shtetit An Fengshan.
Duke komentuar mbi qëndrimin e paqartë për Konsensusin e vitit 1992 nga liderja e zgjedhur e Tajvanit Tsai Ing-wen, An u shpreh: "Konsensusi i vitit 1992 është baza politike për zhvillimin paqësor të marrëdhënieve në ngushticën e Tajvanit."
Vetëm duke pranuar faktin historik të Konsensusit të vitit 1992 dhe duke njohur parimin e tij themelor që të dy palët i përkasin një Kine, mund të ruhet zhvillimi paqësor dhe i qëndrueshëm i marrëdhënieve ndërmjet dy brigjeve, theksoi An. (Artan Goga)