Belgjika dhe Franca duhet t'i hetojnë së bashku grupet ekstremiste në Bruksel si dhe shkallën e pjesëmarrjes së tyre në sulmet terroriste të Parisit dhe të Brukselit, tha të martën në Paris kryebashkiaku i Brukselit Yvan Mayeur.
Mayeur vizitoi të martën Parisin me ftesën e kryebashkiakes së Anne Hidalgo. Si kryetarët e qyteteve që u prekën nga sulmet terroriste, të dy diskutuan mbi masat e duhur për t'i bërë ballë terrorizmit.
Mayeur tha se qeveria duhet të forcojë standardizimin dhe administrimin e veprimtarive fetare, të godasë fenomenet e jashtëligjshme dhe të garantojë barazinë midis gjinive.
"Shpresoj që operacionet e vazhdueshme të policisë do të çrrënjosin grupet që përgatitën sulmet terroriste," tha kryebashkiaku i Brukselit.
Më 13 nëntor 2015 dhe më 22 mars 2016, Parisi dhe Brukseli pësuan përkatësisht sulme terroriste. Sipas njoftimit të mediave franceze, të dy grupet e terroristëve që i kryen këto sulme kanë lidhje të ngushta.
Kohët e fundit, policia franceze, belge dhe holandezë arrestuan përkatësisht terroristë që kanë lidhje me të dy sulmet, ndërkohë që është sekuestruar municion i shumtë. (Wang Lei/Leftion Peristeri)