Forca shumëkombeshë, e drejtuar nga Arabia Saudite bëri të ditur të hënën se u krye me sukses shkëmbimi i 9 robërve të luftës sauditë me 109 jemenas, sipas marrëveshjes së armëpushimit mes Arabisë Saudite dhe fraksionit Houthi të Jemenit.

Në fillim të marsit, forcat shumëkombëshe dhe fraksioni Houthi kryen shkëmbimin e parë të robërve të luftës, pas rënies dakord të palëve për nisjen e armëpushimit në zonën e kufirit. Pala saudite ka kritikuar shumë herë fraksionin Houthi për prishje të armëpushimit.

Në shenjë hakmarrjeje forca shumëkombëshe bombardoi shumë objektiva të fraksionit Houthi në Sana. Javën e kaluar, i dërguari i posaçëm i OKB-së për Jemenin, Ismail Ould Cheikh Ahmed deklaroi se raundi i ri i bisedimeve të paqes do të zhvillohet më 18 prill në Kuvajt, ndërkohë që armëpushimi duhet të nisë më 10 prill.