Një person është qëlluar nga policia të hënën në një pikë kontrolli të sigurisë pasi u drejtoi armën oficerëve të policisë në kompleksin "Capitol Hill".
I dyshuari është vënë në pranga dhe është transportuar drejt një spitali lokal, sipas shefit të policisë Matthew Verderosa.
Verderosa njoftoi se është plagosur edhe një oficer policie.
Njoftimet e mëparshme mediatike thanë se një oficer policie u plagos nga agresori.
Të shtënat raportohen të kenë ndodhur në Qendrën e Vizitorëve të kompleksit gjigant të "Capitol Hill" dhe kushdo që gjendej brenda u drejtua drejt vendeve të sigurta.
Sipas një postimi nga Policia e Uashingtonit, situata u vu nën kontroll dhe se nuk përbën rrezik për banorët. Pas incidentit, Kompleksi u mbyll për rreth 1 orë dhe stafit iu tha të qëndronte në ndërtesë.
Shtëpia e Bardhë u vendos gjithashtu në rrethim, sipas zëdhënësit të Shërbimeve Sekrete Robert Hoback, por më pas situata u qetësua. (Albana)