Drejtori i Zyrës së Punës për Tajvanin pranë Komitetit Qendror të Partisë Komuniste të Kinës Zhang Zhijun theksoi të martën rëndësinë e Konsensusit të vitit 1992 për shkëmbimet dhe bashkëpunimin e ardhshëm mes brigjeve të ngushticës së Tajvanit. Duke folur në një takim të Shoqatës për Marrëdhëniet mes Brigjeve të Ngushticës së Tajvanit, Zhang, njëkohësisht edhe drejtor i Zyrës së Çështjeve të Tajvanit të Këshillit të Shtetit, vlerësoi rolin që ka luajtur kjo shoqatë për përmirësimin e marrëdhënieve ndërmjet të dy brigjeve përgjatë viteve.

Zhang theksoi se të dyja palët duhet t'i përmbahen Konsensusit të 1992-shit. Çfarëdo forme e "pavarësisë së Tajvanit" duhet të kundërshtohet dhe komunikimi dy brigjeve duhet të forcohet, tha ai, duke shtuar se organizatat joqeveritare mund të luajnë një rol më aktiv në nxitjen e bashkëpunimit. (Artan Goga)