Një aeroplan egjiptian i rrëmbyer është ulur në Larnaka të Qipros, thanë autoritetet qipriote të martën.
Rrëmbyesi ka liruar të gjitha gratë dhe fëmijët, si edhe dy peshkopë grekë, por ende mban të gjithë meshkujt e tjerë në bord.
Aeroplani kishte 55 udhëtarë dhe shtatë anëtarë të ekuipazhit kur u rrëmbye.
Sipas televizionit shtetëror qipriot, aeroplani ishte rrëmbyer gjatë rrugës nga Aleksandria për në Kajro nga një person i vetëm që ka eksploziv me vete.
Identiteti i rrëmbyesit të aeroplanit ende nuk dihet dhe autoritetet thonë se ai ende nuk ka paraqitur ndonjë kërkesë. (Artan Goga)
Link: