Kina bëri thirrje të hënën për bashkëpunim të ngushtë me Indonezinë dhe Tajlandën, për të siguruar mbarëvajtjen e zbatimit të projekteve hekurudhore në këto dy vende të Azisë Juglindore.
Kina dhe të dy vendet kanë arritur konsensus për ndërtimin e hekurudhave mbi bazën e bashkëpunimit me përfitime të ndërsjella, tha zëdhënësi i Ministrisë së Jashtme Hong Lei në një konferencë të rregullt për shtyp, duke iu referuar hekurudhave që lidhin Xhakartën me Brondongun dhe Bangkokun me Nakhon Ratchasima-n.
Hong tha se departamentet përkatëse të të tre vendeve kanë mbajtur komunikim të ngushtë për ecurinë e projekteve.
"Ne do të nxitim mbarëvajtjen e ndërtimit të hekurudhave, në të mirë të popullit indonezian dhe popullit tajlandez dhe për përmirësimin e zhvillimit ekonomik, shkëmbimeve njerëzore dhe ndërlidhjes në rajon," tha zëdhënësi i Ministrisë së Jashtme kineze Hong Lei. (Artan Goga)