Qeveria japoneze ka miratuar një rezolutë, ku vendoset që të zbatohet ligji i ri i mbrojtjes që nga 29 marsi. Synimi i ligjit është heqja e kufizimeve ndaj së drejtës së mbrojtjes kolektive.
Lidhur me këtë, zëdhënësi i Ministrisë së Jashtme kineze Hong Lei u shpreh të hënën se Kina shpreson se Japonia do të nxjerrë mësime nga historia dhe do të veprojë me kujdes në politikat ushtarake.
"Për shkak të ngjarjeve historike, vendet fqinje dhe bashkësia ndërkombëtare gjithmonë i kanë kushtuar vëmendje kësaj çështjeje. Lidhur me vendimet e Japonisë në fushën ushtarake, duam të vëmë në dukje se shpresojmë që Japonia të nxjerrë mësime dhe të ecë në rrugën e zhvillimit paqësor. Në politikat ushtarake, ajo duhet të veprojë me kujdes, në të mirë të besimit të ndërsjellë dhe qëndrueshmërisë e paqes në rajon," theksoi Hong Lei. (Jiang Lei)