Tre prej nëntë personave të ndaluar gjatë kontrolleve të policisë të dielën janë akuzuar për pjesëmarrje në një grup terrorist, njoftoi televizioni belg RTBF të hënën.
Tre personat janë identifikuar si Yassin A., Mohamed B. dhe Abubaker O., dhe për ta gjykatësit në Bruksel kanë lëshuar tashmë urdhërarreste.
Prokurori federal belg nuk dha asnjë informacion shtesë në lidhje me hetimin.
Sipas RTBF-së, të tre të akuzuarit besohet se janë të përfshirë në një rast i cili nuk ka lidhje me shpërthimet e Brukselit javën e kaluar ose sulmet në Paris në nëntorin e vjetshëm.
13 kontrolle policie u zhvillua në Belgjikë të dielën në mëngjes, si pjesë e një hetimi kundër terrorizmit. Nëntë persona u arrestuan, dhe gjashtë prej tyre janë liruar.