Kina ka dënuar sulmin terrorist të së dielës në Lahore të Pakistanit.

Zëdhënësi i Ministrisë së Jashtme Hong Lei u shpreh të hënën se Kina është "shumë e tronditur" dhe "e dënon sulmin brutal në mënyrën më të ashpër të mundshme."

Ai gjithashtu shprehu ngushëllime për viktimat dhe familjet e tyre.

Një person kreu një shpërthim vetëvrasës në një park publik në Lahore të dielën në mbrëmje, duke vrarë të paktën 72 veta, përfshirë një numër të madh grash e fëmijësh, dhe duke plagosur më shumë se 300 të tjerë, sipas zyrtarëve pakistanezë. Një fraksion i talibanëve të Pakistanit njoftohet se ka marrë përgjegjësinë për sulmin. (Artan Goga)