Vëzhguesit që po ndjekin Samitin e Sigurisë Bërthamore, që zhvillohet këtë vit në Uashington parashikojnë arritje të konsensusit midis Kinës dhe SHBA-së, lidhur me ndalimin e përhapjes së armëve bërthamore.

Presidenti kinez Xi Jinping, pas vizitës shtetërore në Çeki do të mbërrijë në Uashington për të marrë pjesë në këtë samit, i cili i nis punimet të enjten.

Shefi i Komitetit të Marrëdhënieve SHBA-Kinë, Stephen Orlins tha se të dyja palët kanë arësye të bashkëpunojnë në fushën e armatimit bërthamor.

"Kur pushteti dhe armët nuk janë të sigurta, ato përbëjnë një rrezik për këdo në botë. Përbëjnë një kërcënim për Kinën, për SHBA-në, për Japoninë, për Perëndimin dhe Europën, për Afrikën dhe Amerikën e Jugut. SHBA-ja dhe Kina duhet të bashkëpunojnë për zgjidhjen e problemit jo vetëm për vete, por për mbarë botën."

Gjatë qëndrimit në Uashington, kreu i shtetit i Kinës Xi do të zhvillojë bisedime me homologun amerikan Barack Obama, në fokus të të cilave pritet të jenë armët bërthamore dhe Gadishulli Korean.

(Eda Merepeza)