Policia italiane arrestoi një algjerian të dyshuar si bashkëpunëtor në sulmet vdekjeprurëse në Paris dhe Bruksel, njoftoi media italiane të shtunën. Xhamal Edine Ouali u arrestua në Bellizzi, një qytet në provincën bregdetare Salerno në jug të Italisë. Ai dyshohet se ka falsifikuar dokumente që mund të jenë përdorur edhe nga autorët e sulmeve të Parisit dhe Brukselit.
Autoritetet belge kishin lëshuar një urdhërarresti ndaj Oualit, me akuzën e pjesëmarrjes në një organizatë kriminale që bënte dokumente të rreme dhe organizonte trafik të paligjshëm emigrantësh. Sipas hetuesve, emri i Oualit ka dalë në tetor të vitit 2015, kur autoritetet në Bruksel konfiskuan afro 1 000 fotografi dokumentesh identiteti të rreme. (Artan Goga)