Sekretari i përgjithshëm i Partisë Komuniste të Kinës Xi Jinping i dërgoi një telegram urimi Hong Xiuzhu-së për ta uruar për zgjedhjen si kryetare e Partisë Guomindanase të Kinës. Në këtë telegram, z. Xi shpreh shpresën se të dyja partitë do të përqendrohen në arritjen e lumturisë për të gjithë bashkatdhetarët dhe në frymën kombëtare, do të vazhdojnë të këmbëngulin në Konsensusin e vitit 1992 dhe do të kundërshtojnë pavarësinë e Tajvanit, do të konsolidojnë themelet e besimit reciprok, do të shtojnë shkëmbimet e ndërsjella dhe do të ruajnë gjendjen e zhvillimit paqësor të marrëdhënieve midis dy brigjeve të ngushticës dhe qëndrueshmërinë në ngushticën e Tajvanit, si edhe do të luftojnë së bashku për të realizuar rilindjen e madhe të kombit kinez.
Kryetarja e Partisë Guomindanase Hong Xiuzhu nga ana e saj e falënderoi po atë z. Xi Jinping për urimin. Ajo vuri në dukje se bashkatdhetarët në të dy brigjet e ngushticës së Tajvanit i përkasin kombit kinez dhe shprehu shpresën se të dyja partitë do të vazhdojnë të këmbëngulin në Konsensusin e vitit 1992, do të forcojnë më tej besimin e ndërsjellë dhe do të thellojnë bashkëpunimin, për të krijuar një mirëqenie më të madhe për bashkatdhetarët në të dy brigjet. (Vera)