Pentagoni njoftoi të premten një komandant i lartë i Shtetit Islamik në Siri ishte vrarë nga Shtetet e Bashkuara.

Abd al-Rahman Mustafa al-Qaduli, i njohur gjithashtu si Haxhi Imam apo Al-Afri, ishte ministër i Financave i IS-it dhe u vra këtë javë nga ushtria amerikane, bëri të ditur sekretari amerikan i Mbrojtjes Ashton Carter në Pentagon.

"Ne kemi vrarë drejtuesin që mbikëqyrte fondet për operacionet e IS-it, duke dëmtuar aftësinë e tyre për të paguar luftëtarët dhe për të pajtuar rekrutë", u shpreh Carter-i, duke shtuar se koalicioni i udhëhequr nga ShBA-ja po eliminonte "sistematikisht" kabinetin e IS-it.