Autoritetet qendrore kineze janë shprehur se ka një nevojë të ngutshme për të ndërthurur zhvillimin ushtarak e atë civil, duke theksuar lidhjen midis sigurisë dhe përparimit të vendit.
Një dokument mbi zhvillimin e integruar ushtarak dhe civil u miratua të premten në një mbledhje të Byrosë Politike të Komitetit Qendror të PKK-së, të kryesuar nga Sekretari i Përgjithshëm Xi Jinping.
Dokumenti thekson se integrimi duhet të arrihet në mënyrë të bashkërenduar e të balancuar.
Gjatë mbledhjes po ashtu u miratua një dokument mbi zhvillimin e Brezit Ekonomik të Lumit Jance.
Në këtë dokument vihet re se Kina duhet të ketë si qëllim zhvillimin e gjelbër të Brezit Ekonomik të Lumit Jance, duke treguar vëmendje për mbrojtjen e mjedisit përgjatë lumit.
Brezi Ekonomik i Lumit Jance përfshin nëntë provinca dhe dy qytete të varura drejtpërdrejt nga qendra. (Artan Goga)