Tre shpërthime vetëvrasëse tronditën kryeqytetin e përkohshëm të Jemenit Aden të premten në mbrëmje, duke lënë të paktën 25 të vrarë dhe disa të tjerë të plagosur.
Shpërthimi kryesor ndodhi pranë selisë së forcave të koalicionit të udhëhequr nga Arabia Saudite.
Dy shpërthime të tjera u kryen në afërsi të një baze ushtarake ku janë të vendosura qindra trupa saudite dhe nga Emiratet e Bashkuara Arabe.
Qyteti-port i Adenit ka qenë në një gjendje kaosi gjatë muajve të fundit, si pasojë e së cilës kanë humbur jetën ish-guvernatori i qytetit, disa oficerë të lartë të sigurisë dhe gjykatës.
Situata e sigurisë në Jemen është përkeqësuar që nga marsi 2015, kur shpërthyen luftime mes grupit shiit Houthi, i mbështetur nga ish-presidenti Ali Abdullash Saleh, dhe forcave qeveritare të mbështetura nga një koalicion i udhëhequr nga Arabia Saudite.