Pas sulmeve terroriste në Bruksel, zv/kryeministri dhe ministri i brendshëm i Belgjikës Jan Jambon dhe ministri i Drejtësisë Koen Geens i paraqitën dorëheqjen kryeministrit Charles Michel, me motivin e trajtimit të papërgjegjshëm të të dyshuarit, të përfshirë në sulme terroriste.

Kryeministri Michel e refuzoi kërkesën e tyre, duke kërkuar që të mbajnë postin në këtë situatë të veçantë. Jan Jambon u shpreh më vonë se Belgjika po përballet me luftën anti-terroriste, ndaj ai dhe ministri tjetër Koen Geens do të vazhdojnë ti shërbejnë vendit.

Në një deklaratë të mëparshme presidenti turk Erdogan tha se qershorin e kaluar, pala turke e kishte paralajmëruar palën belge se i dyshuari i përfshirë në sulmet në Bruksel, Ibrahim al Bacroui ishte identifikuar për lidhjet e tij me terroristët. Zyrtarët e lartë belgë nuk e vlerësuan si duhet paralajmërimin ,duke e liruar të dyshuarin si terrorist. (Jiang Lei/ Eda Merepeza)