Policia belge ka arrestuar gjashtë veta ndërsa vazhdon hetimin në lidhje me shpërthimet terroriste në Bruksel.
Nuk ka ende të dhëna në lidhje me identitetin e të dyshuarve dhe lidhjet e tyre me sulmet që lanë të vdekur mbi 30 veta dhe plagosën 300 të tjerë.
Në Francë gjithashtu është ndaluar një person që dyshohet se do të kryente një sulm terrorist.
Ndërkaq, ministrat e brendshëm të Bashkimit Europian po diskutojnë planin për të shpejtuar marrëveshjen mbi ndarjen e të dhënave të inteligjencës.
Ministri i Brendshëm i Francës Bernard Cazeneuve (Kaznov) thotë se marrëveshja në fjalë do të përfshijë të gjitha vendet e zonës Shengen. (Leftion Peristeri)