Autoritetet kineze të Shëndetit thanë se nuk ka efekte anësore për ata që janë vaksinuar me produktet që janë shitur në tregun e zi.
Një total prej 13 kompanish farmaceutike po hetohen se kanë shitur vaksina në mënyrë të paligjshme.
Ndërkohë, janë arrestuar 37 të dyshuar dhe po merren në pyetje.
Ngjarja shpërtheu javën e kaluar pasi disa të dyshuar u arrestuan në Shandong, duke i shitur në mënyrë të paligjshme vaksina spitaleve nga kanale jo zyrtare.
Bëhet e ditur se në 5 vitet e fundit në Kinë janë shitur ilegalisht vaksina në vlerën e 90 milionë dollarë amerikanë. (Albana)