Presidenti Kinës Xi Jinping dhe homologu i tij amerikan, Barack Obama, do të takohen këtë vit gjatë samitit të sigurisë bërthamore që zhvillohet javën e ardhshme në Uashington.
Sipas zv./ministrit të Jashtëm të Kinës Li Baodong, çështja e Koresë së Veriut do të jetë pjesë e axhendës së diskutimit midis dy udhëheqësve, të cilët gjithashtu mund të diskutojnë edhe mbi sigurinë kibernetike dhe Detin e Kinës Jugore.
Ai shtoi se Kina është e përkushtuar për çarmatimin bërthamor të gadishullit korean dhe këmbëngul që kjo çështje të zgjidhet me dialog dhe konsultime.
Presidenti Xi Jinping do të qëndrojnë në Uashington nga 31 marsi deri më 1 prill. Përpara se të shkojë në Shtetet e Bashkuara, Xi do të zhvillojë një vizitë shtetërore në Republikën Çeke. (Leftion Peristeri)