Sekretari amerikan i Shtetit John Kerry u takua të enjten në Moskë me homologun rus Sergery Lavrov.
Para takimit, Lavrov tha se do të diskutohen disa çështje ndërkombëtare.
"Siç kemi rënë dakord vëmendja do të zhvendoset tek bashkëpunimi mbi zgjidhjen e disa çështjeve ndërkombëtare, duke përfshirë krizën siriane. Do të bisedojmë edhe mbi disa çështje të tjera urgjente, si kriza në Lindjen e Mesme dhe në Afrikën Veriore si dhe do të kërkojmë komunitetin e bashkësisë ndërkombëtare për zgjedhjen e krizës ukrainase."
Në lidhje me krizën siriane, sekretari Kerry kërkoi qartësi nga Lavrovi, sidomos për qendrimin e Rusisë mbi kalimin e pushtetit politik dhe të ardhmen e presidentit Bashar al Assad.
Sekretari Kerry do të takohet edhe me presidentin Vladimir Putin, para se të shkojë në Belgjikë për të përcjellë mbështetjen e ShBA-së pas sulmeve terroriste në Bruksel. (Zhan Dian/Leftion Peristeri)