Forcat irakiane të sigurisë zhvilluan të enjten fazën e parë të ofensivës kundër Shtetit Islamik që synon t'i nxjerrë militantët jashtë Mosulit, kryeqytetit të provincës veriore Ninive, thekson një deklaratë ushtarake e shtabit vendor.

"Ofensiva për çlirimin e krahinës Ninive filloi në agim duke e ngritur flamurin irakian në disa fshatra me duart e forcave tona heroike," thekson deklarata.

Kryetari i bashkisë së qytetit Qayyara në jug të Mosulit, Salih el-Jubouri, i tha agjencisë Xinhua se trupat qeveritare përparuan në tre drejtime.

Përparimi i trupave ndodhi pas bombardimeve të rënda me artileri dhe bombardimeve nga ajri nga koalicioni i udhëhequr nga Shtetet e Bashkuara. (Leftion Peristeri)