Tre policë e dy ushtarë turq u vranë dhe 19 të tjerë u plagosën të martën në juglindje të Turqisë pas një sulmi nga militantët e Partisë së Punëtorëve të Kurdistanit (PKK), njofton agjencia e lajmeve "Anadolu".

Ndërkohë, Shtabi i përgjithshëm i Ushtrisë turke deklaroi të martën se një ditë më parë trupat turke të sigurisë kishin vrarë 23 militantë të PKK-së gjatë një operacioni antiterrorist.

Që nga qershori i vjetshëm, militantët e PKK-së kanë ndërmarrë sulme të shpeshta ndaj forcave turke të sigurimit, të cilat nga ana e tyre e kanë shtuar goditjen ndaj objektivave të PKK-së.