Japonia do të vendosë sistemin e interceptorëve të përhershëm të raketave në Tokio.
Njoftimi pason rritjen e intensitetit të lëshimit të raketave balistike nga Koreja e Veriut.
Sistemi i raketave tokë-ajër PAC-3 pritet të ngrihet përreth Tokios pas rreth një viti.
Vendimi i qeverisë japoneze u mor në kushtet e kërcënimeve nga Pheniani kundër objektivave në Japoni, Korenë e Jugut dhe Shtetet e Bashkuara.
Koreja e Veriut lëshoi pesë predha në bregdetin e vet lindor të hënën.