Rusia është shprehur se do të fillojë të martën të mbikëqyrë në mënyrë të njëanshme armëpushimin në Siri, nëse ShBA-ja nuk reagon ndaj propozimit të Moskës për një mekanizëm të përbashkët mbikëqyrës.

Gjenerallejtënanti rus Sergei Rudskoi mendon se ShBA-ja po e zvarrit çështjen e mbikëqyrjes së armëpushimit.

"Ne kemi hartuar dhe ia kemi dërguar ShBA-së më 5 mars një version kompromisi për marrëveshjen (e armëpushimit në Siri). Por konsultimet ruso-amerikane të mbajtura më 18 mars në Oman treguan një mungesë gatishmërie nga pala amerikane për ta miratuar këtë marrëveshje," tha Rudskoi. (Fang Xiaoyu)