Stacioni i parë kinez në hapësirë Tiangong-1, ka përfunduar misionin e tij në orbitë.
Zyrtarët kinezë të hapësirës njoftuan se kanë përfunduar të gjitha transmetimet e të dhënave nga laboratori, i cili do të lejohet të hyjë në atmosferën e Tokës, ku pritet të digjet.
Tiangong-1 qëndroi në orbitë për mbi 1600 ditë. Ai u lëshua në hapësirë në shtator të vitit 2011, i projektuar me një jetëgjatësi 2-vjeçare.
Tiangong-1 i hapi rrugën ndërtimit të stacionit të përhershëm kinez të hapësirës, i cili pritet të vihet në funksion rreth vitit 2022. (Leftion Peristeri)