Presidenti francez Francois Hollande kryesoi takimin për sigurinë, pas shpërthimeve të njëpasnjëshme në aeroportin dhe metronë e Brukselit, njoftojnë mediat vendëse. Kreu francez i shtetit u takua në Pallatin Elysse në Paris me kryeministrin Manuel Valls dhe ministrat e mbrojtjes dhe të çeshtjeve civile. Takimi nuk ishte në axhendën e presidentit, por u zhvillua pas shpërthimeve në Bruksel. Në Paris janë forcuar masat e sigurisë kryesisht në dy aeroportet kryesore Charles de Gualle dhe Orly, ndërsa janë shtuar forcat policore në stacionet e trenave, që vijnë nga Belgjika.
Sipas mediave belge, si pasojë e shpërthimeve kanë humbur jetën 28 vetë dhe janë plagosur 35 të tjerë.