Një tryezë e rrumbullakët e drejtuesve të medias nisi të martën gjatë Forumit Boao për Azinë, në provincën jugore Hainan. Radio e Jashtme e Kinës (CRI) është bashkëorganizuese e tryezës, ku marrin pjesë përfaqësues nga 20 organizata mediash botërore.
Kryeredaktori i gazetës "Laos Pasaxon", Douangchit Savatbounmy tha se ky takim do të ndihmojë për zhvillimin, shkëmbimet dhe integrimin e mediave nga vende të ndryshme, duke shtuar se programet e CRI-së janë mjaft të ndjekura në Laos.
Edicioni i këtij viti i Forumit zhvillohet me temën "E ardhmja e re e Azisë-Dinamikë e re dhe Vizion i ri" dhe në të do të jenë të pranishëm mbi 1700 përfaqësues qeverish, drejtues biznesesh dhe ekspertë. (Eda Merepeza)