Fondi Monetar Ndërkombëtar (FMN) ka hedhur poshtë një raport të medias, sipas të cilit Kinës i janë kërkuar më shumë të dhëna lidhur me operacionet monetare.

Një zëdhënës i këtij Fondi, me anë të një deklarate për shtyp thekson se Kina është regjistruar në fund të vitit të kaluar në Standardet e Shpërndarjes së të Dhënave të Posaçme si dhe ka paraqitur të dhënat e saj, sipas rregullave.

Në deklaratë thuhet se FMN-ja nuk ka kërkuar informacione shtesë dhe se zhvillon një dialog të ngushtë me autoritetet kineze. Deklarata i përgjigjet një artikulli të Wall Street Journal, sipas të cilit FMN-ja i ka bërë thirrje Bankës Qendrore të Kinës të japë më shumë të dhëna lidhur me aksionet e saj dhe të derivateve. (Eda Merepeza)