Bisedimet midis qeverisë greke dhe kreditorëve ndërkombëtarë për shqyrtimin e programit të tretë të ndihmës ndaj Greqisë u ndërprenë të dielën, për të rifilluar më 4 prill pas pushimeve të Pashkëve.
Duke folur të dielën për agjencinë greke të lajmeve AMNA, ministri i Punës i Greqisë Jorgos Katrugalos dhe ministri i Financave Euklidhis Cakalotos shprehën kënaqësinë e tyre për përparimin e arritur gjatë dy javëve të kaluara në bisedime.
Sipas Katrugalosit, qeveria greke shpreson të zgjidhen të gjitha problemet e mbetura para 11 prillit, kur do të zhvillohet mbledhja e ardhshme e Grupit të Punës të Euros. (Fani/Artan Goga)