Presidenti amerikan Barak Obama ka mbërritur në kryeqytetin e Kubës Havanë për një vizitë historike 3-ditore.
Vizita, e para nga një president amerikan në detyrë në 88 vjetët e fundit, shënon pikën më të lartë të zhvillimeve në lidhjet midis SHBA-së dhe Kubës që pas normalizimit të marrëdhënieve diplomatike midis tyre në dhjetor 2014.
Qeveria e ShBA-së i ndërpreu marrëdhëniet diplomatike me Kubën në kulmin e Luftës së Ftohtë në vitin 1961. ShBA-ja gjithashtu vendosi një embargo ekonomike ndaj Kubës, e cila ende mbetet në fuqi, pavarësisht hapave për lehtësimin e saj. (Artan Goga)