Kryeministri i Kinës Li Keqiang takoi të hënën kreun e Fondit Monetar Ndërkombëtar Christine Lagarde në Pekin. Ajo ndodhet në Kinë për të marrë pjesë në Forumin vjetor mbi zhvillimin e Kinës.

Kryeministri Li e uroi zonjën Lagarde për rizgjedhjen si presidente e FMN-së.

Në lidhje me ekonominë botërore, Li tha se gjendja paraqitet ende e pastabilizuar dhe u bëri thirrje ekonomive kryesore të forcojnë koordinimin e politikave makroekonomike për të mbrojtur dhe nxitur stabilitetin e sistemit global ekonomik dhe financiar.

"Qeveria kineze vlerëson komunikimin me tregun dhe sugjerimet e FMN-së dhe të organizatave të tjera ndërkombëtare financiare. Qeveria kineze dëshiron të forcojë më tej komunikimin dhe bashkëpunimin si dhe të lëshojë më shumë sinjale për të forcuar besimin e tregut në favor të stabilitetit dhe të rritjes," tha Li.

Zonja Lagarde e uroi kryeministri Li për zhvillimin e suksesshëm të "Dy Sesioneve". Ajo u shpreh se Plani i 13-të Pesëvjeçar ka tërhequr vëmendjen e komunitetit ndërkombëtar.

"FMN-ja vlerëson këmbënguljen e Kinës për thellimin e reformave dhe dëshiron të forcojë komunikimin e bashkëpunimin për t'i dërguar sinjale pozitive tregut," theksoi Lagarde. (Zhan Dian/Leftion Peristeri)