Grupi i Hekurudhave i Kinës, njoftoi të hënën se do të investojë 2 miliardë dollarë amerikanë për të ndërtuar një qendër rajonale në Malajzi.

Presidenti, Zhang Zongyan, tha se kompania do të ndërtojë një kompleks të integruar zyrash në Bandar, si dhe një qendër transporti, biznesi dhe tregtie në Kuala Lumpur.

Vetëm 7 km larg nga qendra e Kuala Lumpurit, Bandar, do të shërbejë gjithashtu si terminal për hekurudhën e shpejtësisë së lartë Malajzi - Singapor.

Kryeministri malajzian Najib Razak e përshëndeti investimin e kompanisë kineze dhe tha se ajo është një tjetër dëshmi e marrëdhënieve miqësore midis Malajzisë dhe Kinës. (Leftion Peristeri)