Autoritetet belge kanë konfirmuar se kanë arrestuar Salah Abdeslamin, i dyshuar kryesor për sulmet e Parisit në nëntorin e vjetshëm.

Abdeslami u arrestua së bashku me një të dyshuar tjetër në lagjen Molenbeek të Brukselit. Ai u dërgua në spital pas një plage që mori në këmbë gjatë aksionit për kapjen e tij.

Presidenti francez Francois Hollande ka kërkuar ekstradimin e Abdeslamit në Francë, duke theksuar gjithashtu se arrestimi i tij nuk do të jetë faza përfundimtare e hetimit të çështjes, pasi një rrjet më i gjerë ekziston në Europë.

130 veta u vranë nga sulmet në Paris në nëntor të vitit të kaluar. Abdeslami dyshohet se ka siguruar logjistikën për autorët e këtyre sulmeve.