Koreja e Veriut lëshoi të premten një raketë balistike me rreze të mesme në bregdetin lindor, njoftoi agjencia e lajmeve "Yonhap".

Sipas Shtabit të Përgjithshëm të Koresë së Jugut, raketa u lëshua rreth orës 05:55 të mëngjesit sipas orës vendore nga zona perëndimore e Seokcheon-it.

Raketa fluturoi rreth 800 km para se të binte në bregdetin lindor të Koresë së Veriut. Duke u nisur nga largësia e fluturimit, besohet se ka qenë një raketë balistike "Rodong".

Kjo është hera e parë pas dy vjetësh që Pheniani lëshon raketë "Rodong", që mund të ketë si objektiv të gjithë territorin e Koresë së Jugut dhe qytetet e mëdha në Japoni, pasi ka një rreze maksimale rreth 1 300 km. (Artan Goga)