Ministri i Mbrojtjes i Rusisë Sergey Shoigu njoftoi të martën se, po atë ditë, pjesa kryesore e trupave ruse që morën pjesë në goditjen kundër Shtetit Islamik, filluan të tërhiqen nga Siria. Bashkësia ndërkombëtare e ka vlerësuar një veprim të tillë si një sinjal pozitiv.

I dërguari i posaçëm i OKB-së mbi problemin e Sirisë, Staffan de Mistura e vlerësoi tërheqjen e trupave ruse si "një përparim të dukshëm" dhe shprehu shpresën se ky veprim do të ndikojë pozitivisht në bisedimet e paqes për Sirinë në Gjenevë.

Zëdhënësi i Ministrisë së Jashtme të Kinës Lu Kang shprehu besimin se vendimi i Moskës do t'u japë një sinjal pozitiv palëve në konflikt në Siri dhe do t'i nxitë të gjejnë një zgjidhje në bazë të dialogut e bisedimeve. (Wang Lei)