Kina akuzoi të martën vendet perëndimore se shfrytëzojnë Këshillin e të Drejtave të Njeriut të OKB-së për të kritikuar dhe sulmuar vendet në zhvillim.
Përfaqësuesi i përhershëm i Kinës në Gjenevë, Fu Chong, tha se nëse ky këshill do të vazhdojë këtë rrugë, është e pashmangshme që ai do të përsëritë veprimet e Komisionit të të drejtave të njeriut, ndërsa i bëri thirrje komunitetit ndërkombëtar t'i kushtojë vëmendje të madhe këtij veprimi.
Fu tha se në Këshillin e të Drejtave të Njeriut të OKB-së mbizotëron fryma e politizimit dhe kundërshtimit.
"Shumë vende perëndimore e politizojnë publikisht çështjen e të drejtave të njeriut, duke e përdorur për interesa politike rajonale dhe nevoja e brendshme zgjedhore. Ato harrojnë se fatkeqësia më e madhe humanitare vjen nga politikat e ndërhyrjes. Veprimet e tyre kanë minuar paqen, stabilitetin dhe harmoninë e vendeve në zhvillim, duke shkaktuar përhapjen e forcave ekstremiste." (Xu Guang/Leftion Peristeri)