Presidenti i Qipros Nicos Anastasiades u shpreh të martën se vendi i tij nuk është i gatshëm të pranojë rifillimin e bisedimeve mbi anëtarësimin e Turqisë në BE.
Në një konferencë të përbashkët shtypi, pas takimit me presidentin e Këshillit Europian Donald Tusk, që ndodhej në Qipro për vizitë, Anastasiades tha që, nëse Turqia nuk pranon të zbatojë detyrimet, si bisedimet kornizë mbi hyrjen në BE dhe Marrëveshjen e Ankarasë, Qipro do të jetë kundër rifillimit të bisedimeve të anëtarësimit të Turqisë.
Nga ana e tij, Donald Tusk bëri të ditur se qëllimi i vizitës së tij ishte diskutimi për gjetjen e mënyrave të bashkëpunimit me Turqinë për zgjidhjen e krizës së refugjatëve. Ai u shpreh se kushtet për hyrjen e Turqisë në BE nuk kanë ndryshuar dhe një gjë e tillë duhet të miratohet nga të 28 vendet anëtare të BE-së. (Çang Çuo)