Vendet e Bashkimit Europian vendosën të martën të japin mbështetje emergjente për gjendjen e vështirë humanitare në Greqi të shkaktuar nga kriza e refugjatëve.

Vendimi u mor në një takim të Këshillit i Çështjeve të Përgjithshme i drejtuar nga ministri i Jashtëm holandez Bert Koenders.

Është krijuar një Mekanizëm i Mbështetjes Emergjente për të ndihmuar Greqinë dhe shtetet e tjera anëtare për të adresuar nevojat humanitare të një numri të madh azilkërkuesish.

Ndihma që do të sigurohet nga Komisioni Europian ose organizatat e tjera joqeveritare dhe UNHCR-ja, synon të zbusë nevojat themelore. (Leftion Peristeri)