Trenat me shpejtësi të lartë të prodhuar me teknologjinë kineze do të pajisen me sistemin më të përparuar të kontrollit elektronik të udhëtimit. Lajmi u bë i ditur nga Instituti Studimor Zhuzhou i Korporatës CRRC, prodhuesit më të madh të mjeteve të transportit me shina në Kinë.
Instituti testoi së fundi me sukses sistemin më të përparuar në botë për kontrollin e rrjetit të qarkullimit të trenave me shpejtësi prej 380 kilometrash në orë, kjo do të thotë se të gjithë trenat kinezë do të pajisen shpejt me këtë sistem.
Sistemi i kontrollit i udhëtimit vlerësohet si "truri" i trenave. Sipas kryeprojektuesit të Institutit Studimor Zhzhou, Feng Jianghua, sistemi i kontrollit dhe i shërbimit të informacionit (TCSN) mund të zgjerojë kanalet e dërgimit të informacioneve shifrore, duke e rritur me 60 herë shpejtësinë e transmetimit dhe trajtimit të të dhënave gjatë udhëtimit të vagonëve. (Zhang Yan/Leftion Peristeri)